Madya. Maduman kita sa kasagkoran kan dalan na ini sa atubang ta.
Harayo an lakawon alagad hihinguaon tang lakdangan an matarom na mga gapo na boot hadukan an satong mga dapan.
Mahigos tang tatabason an matonok na mga balagon na hinaharangan an satong aagihan.
Madya. Kaputan mo an sakong kamot na nagtatakig sa tahaw nin pagkahandal, ta an dalan sa satong enotan masirom.
Magrani ka sako asin riparohon mo ang tikba kan sakong daghan,
na midbid pa nanggad an ngaran mo sa tahaw kan ngirhat, pagalangan.
Asin hehemateon ko man an toninong mong paghangos na inoosip an napaparang girumdom kan satong pagkamoot.
Madya baya. Sabayan mo akong maglakaw pasiring sa enotan.
Dai kita masalingoy sa kulog o sa sagin-sagin na minsan ta nang inagihan.
Mayo kitang mamangnohon kundi an satong padumanan, na dawa masirom, may diit na paglaom.
Mabagtas kitang toninong pasiring sa poro ta baka lamang marumduman ta giraray kitang duwa asin kun tano kita nagpoon.
Harayo an lakawon alagad hihinguaon tang lakdangan an matarom na mga gapo na boot hadukan an satong mga dapan.
Mahigos tang tatabason an matonok na mga balagon na hinaharangan an satong aagihan.
Madya. Kaputan mo an sakong kamot na nagtatakig sa tahaw nin pagkahandal, ta an dalan sa satong enotan masirom.
Magrani ka sako asin riparohon mo ang tikba kan sakong daghan,
na midbid pa nanggad an ngaran mo sa tahaw kan ngirhat, pagalangan.
Asin hehemateon ko man an toninong mong paghangos na inoosip an napaparang girumdom kan satong pagkamoot.
Madya baya. Sabayan mo akong maglakaw pasiring sa enotan.
Dai kita masalingoy sa kulog o sa sagin-sagin na minsan ta nang inagihan.
Mayo kitang mamangnohon kundi an satong padumanan, na dawa masirom, may diit na paglaom.
Mabagtas kitang toninong pasiring sa poro ta baka lamang marumduman ta giraray kitang duwa asin kun tano kita nagpoon.
-ika-6 ng Disyembre, 2019; Los Banos
